Entrante 1 di yüli 2017 e ‘Instrukshon kita propiedat” a drenta na vigor. E instrukshon aki ta pone regla pa e proseso penal di kita propiedat dor di Ministerio Públiko (OM) di entrada finansiero di aktividat kriminal. E instrukshon ta hasi menshon di tur posibilidat penal pa kita propiedat. Punto di salida ta ku efektividat ta desisivo na momentu di eskoho di un posibilidat di kita propiedat òf un kombinashon di posibilidat di kita propiedat. Koperashon den kadena ta sentral den kita propiedat. Koperashon i interkambio di informashon entre instansianan gubernamental, manera entre otro Servisio di Impuesto, ta krusial den esaki.
E instrukshon ta trata instrumentonan ku OM tin na su disposishon i ta basá riba e aktual legislashon. Protekshon hurídiko regular ta punto di salida na momentu ku implementá e instrumentonan penal.
E kompetensia penal di kita propiedat por keda implementá solamente na momentu ku tin rasonabel sospecho di kulpa na un hecho kastigabel kometé dor di un sospechoso, konforme Kódigo di Prosedimentu Penal, den kual e puntonan legal di posibel envolvimentu di un wes ta aplikabel.
Ta trata di un instrukshon den kuadro di artíkulo 5 insiso 4 di Rijkswet Openbaar Ministeries emití dor di Prokuradó-general (PG) di Kòrsou, Sint Maarten i Boneiru, Sint Eustatius i Saba. Ta e deseo di Prokuradó-general pa e maneho penal entre OM Kòrsou, OM Sint Maarten i OM BES ta mas tantu ku ta posibel igual. P’esei a skohe pa emití un instrukshon pa OM Carib kompletu.
Gobièrnu ta pará pa un sosiedat seif i hustu i ta skohe den esaki pa un atendimiento hanchu i integral di tur forma di kriminalidat, abusu, uso impropio i froude. Hopi hecho kastigabel ta keda kometé for di punto di bista di ganashi; kita propiedat finansiero kriminal ta resultá p’esei den un forma inmenso di balor den kombatimentu di kriminalidat. Empeño ta ku efektividat ta punto di salida pa e eskoho di e formanan di kita propiedat, por skohe tambe pa un kombinashon di e posibilidatnan. Sentral den e atendimiento ta e koperashon di tur instansianan gubernamental den e kadena. Koperashon i interkambio di informashon entre instansianan gubernamental, manera entre otro Belastingdienst, ta krusial. Uso di e instrumentonan penal, pa kita propiedat di kriminal, ta un aspekto importante den atendimiento di gobièrnu, pero sigur no e úniko. Ta p’esei den vários pais di reino tin Afpakteam Integral aktivo kaba.
Por lesa i download e instrukshon riba wèpsait di Ministerio Públiko: http://www.openbaarministerie.org/pap/parket-pg/instrukshon