Anualmente dia 1 di yüli ta konmemorá pasado di sklabitut di Hulanda riba nivel nashonal. Dia 1 di yüli 1863 gobièrnu di Hulanda a kuminsá ku abolishon gradual di sklabitut denter di e kolonianan na India Oksidental. Den e temporada ei tabatin aproksimadamente 12.000 persona sklabisá, bibando riba e islanan Hulandes Karibense. Abolishon di sklabitut i emansipashon di personanan sklabisá ta algu ku tambe ta toka komunidat i historia di e islanan di Hulanda Karibense Boneiru, Sint Eustatius i Saba.
E aña aki Entidat Públiko Boneiru ta organisá un konmemorashon insular, den kolaborashon ku vários partner lokal i ministerio di Ensenansa, Kultura i Siensia (OCW). E aktividatnan lo inklui un kaminata históriko ku Boi Antoin dia 26 di yüni pa landhuis Yatu Baku i un nochi di sine dia 1 di yüli, ku e sine Sombra di koló di produktor di.dokumental Angela Roe ku müzik live di Grup Ashé.
Akseso na aktividatnan lo ta liber, pero e kapasidat pa partisipashon lo ta limitá. Pa e motibu ei por fabor sea na tempu ku bo inskripshon!
E programa di entidat publiko Sint Eustatius ta inkluí varios kompetensha pa alumnonan di skol (pinta, poesia i skirbi essay) riba 30 di yüni i riba 1 di yüli entre otro un konmemorashon seremonial i varios evento, por ehempel un “old time lunch”.
Pa mas informashon
Pa mas informashon tokante e aktividatnan planeá, por bishita e pagina di facebook di Openbaar Lichaam Bonaire i pa Sint Eustatius e página di facebook Government of Sint Eustatius.