UNKOBON, Union di Konsumido di Boneiru, ta bai organisá un enkwesta den kual e konsumido mester duna su opinion tokante e internet I televishon di Flamingo.
E formulario pa e enkwesta aki por wordu hañá riba e website di Unkobon
Ku bastante regularidat Unkobon ta organisa un enkwesta den kual konsumidonan por ekspresa nan mes tokante servisio di diferente kompanianan lokal y servisionan di gobiernu. Resultadonan di e enkwesta ta wordu entregá na e kompania of na e departamento gobermental en kestion. E enkwestanan aki tin komo meta pa e kompanianan y/o departamentunan gobermental drecha o mehora nan servisio pa ku nan klientenan.
Te ku dia 31 di yuli proksimo e konsumido por duna su opinion di Flamino komo distribuidó di internet i televishon aki na Boneiru. Lo kosta e konsumido menos ku 5 minut pa kontesta e preguntanan. Unkobon ta supliká tur hende pa partisipa na e enkwesta aki ku ta na benefisio di e poblashon di Boneiru.