Konforme e palabrashonnan hasí entre Kolegio Ehekutivo di Sint Eustatius i e sekretario general di e ministerio di BZK (Asuntunan Interior i Relashonnan den Reino) lo tin un Komishon di Sabio konsistiendo di señor Franssen i señor Refunjol,ku lo ehekutá un análisis basá riba e funshonamentu di e Entidat Públiko, Sint Eustatius. Nos Komishon lo bishitá e isla vários biaha pa hiba kombersashonnan ku vários persona den atministrashon públiko i pafó. Ku plaser e Komishon ta informá ku e promé bishita lo tuma lugá di 13 di yüli te ku 21 di yüli. Ta trahando duru riba e preparashonnan di e programa.
Pronto e Komishon lo manda invitashon personal pa e personanan konserní pa invitá nan pa kombersashonnan . Esaki no ta kita ku e Komishon lo ke risibí i kombersá ku tur ku tin nesesidat pa hasi esaki. P’esei ta bai tin e fleksibilidat nesesario den e programa. A korto plaso lo publiká di kua forma e interesadonan por mèldu serka e Komishon pa papia ku nan.
E kombersashonnan di mes ta konfidensial. E Komishon ta spera ku di mas tardá luna di sèptèmber lo tin un rapòrt ku e resultadonan.