Visepresidente di Konseho di Estado mr. Th.C. de Graaf, ku a drenta den funshon na luna di novèmber aña pasá, ta hasi un bishita di familiarisashon na Boneiru riba djabièrnè 18 i djasabra 19 di yanüari 2019.
Señor De Graaf ta papia entre otro ku Representante di Reino suplente, Gezaghebber i miembronan di Kolegio Ehekutivo tokante retonan sosial-ekonómiko i polítiko-atministrativo pa e isla. Tambe e lo hasi un gira na algun proyekto i lo hiba kombersashon ku abitante.
Thom de Graaf, ku a bishitá e islanan mas biaha kaba den su funshon di minister i parlamentario, awor lo bishitá e otro partinan Karibense di Reino den su funshon nobo tambe.
Despues di bishitá Kòrsou i Aruba e lo bishita Saba i Sint Eustatius tambe riba 20 i 21 di yanüari. Einan lo inform’é entre otro tokante algun proyekto spesífiko i e lo hiba kombersashon ku gobernante i polítikonan, pero tambe ku representante di organisashonnan sosial i ku industria i komèrsio.
Despues di hiba un bishita na Sint Maarten, visepresidente De Graaf lo regresá Hulanda riba 22 di yanüari.
Durante su bishita e ta kompañá pa sekretario di Konseho di Estado, mr. R.K. Visser, i konsehero drs. R. van der Veer.
Konseho di Estado ta e konsehero mas importante pa legislashon i gobernashon den Reino i e wes gubermental general mas haltu di.