Minister Presidènt Rutte i Sekretario di Estado Knops (Asuntonan Interno i Relashon di Reino) lo bishitá Boneiru, Kòrsou i Aruba riba djadumingu 20 te ku djamars 22 di yanüari. E bishita ta den kuadro di koperashon ekonómiko i mantenshon di órden.
Huntu ku mas di 40 kompania e mandatarionan ta partisipá na e konferensia ‘Bon Biní for Business’ dia 21 di yanüari. Komersiante di tur parti di Reino ta bini huntu pa papia riba e oportunidatnan riba tereno di inovashon i logístika. Kòrsou ta organisá e konferensia aki pa atraé kompania i invershonista. Esaki ta kontinuashon di e promé ‘Bon Bini for Bunsiness’ ku a tuma lugá yüni aña pasá na Den Haag.
Minister Presidènt i Sekretario di Estado lo papia na Kòrsou tambe ku Gobernadó George-Wout, Minister-Presidènt Rhuggenaath, Konseho di Minister i miembronan di Staten. Tambe e mandatarionan ta bai bishitá empresarionan sosial den bario di Otrobanda i lo bishitá Wardakosta.
Dia 20 di yanüari e mandatarionan ta papia ku Gezaghèber Edison Rijna, Konseho Insular i Kolegio Ehekutivo. Tambe e Premier lo hasi apertura ofisial di e ofisina di Qredits, ku ta un instituto Hulandes pa finansiamentu mikro. Alabes aki lo entregá e finansiamentu mikro number 150.
Dia 22 di yanüari e mandatarionan lo kombersá na Aruba ku entre otro Gobernadó Boekhoudt, Minister-Presidènt Wever-Croes i Konseho di Minister. Tambe lo papia tokante desaroyo ekonómiko, bou di kua ekspanshon di aeropuerto.
Sekretario di Estado Knops lo keda algun dia mas na Aruba pa asina partisipá na e asina yamá ‘Justitieel Vierpartijen Overleg’.