CPA ta kondena derokamentu ilegal di e gobierno demokratikamente elegi di St Eustatius

Carribbean Progressive Alliance (CPA) , un asosiashon forma durante un meeting di COPPPAL na St Maarten, na Mei 2017, ku komo miembronan organisashonan di e sobra paisnan-sin-propio-gobernashon en general, global I regional, ku emfasis partikular riba e islanan di e anterior Antias Ulandes.
Bao di e miembronan ku ta kresiendo ta konta Puerto Rico, San Andres, Providenciales I Islanan Virgines, e teritorionan ultramar di Fransia I Hulanda.
CPA a sigui ku konsternashon I ta inkreibel e trato di e gobierno Hulandes, spesialmente na e islanan BES, Boneiru I Sint Eustatius. E shete (7) anja ku a pasa e gobierno Hulandes a hasi tur kos den nan poder, pa frustra I obstrui e funshonamente adekua di e gobiernonan demokratikamente elegi I legitimo di e islanan aki.
Pa medio di instrumentonan manera pero no limita na instrukshonnan na Gezaghebber, sobrepasa pa un representante di Reino, ku ta un empleado publiko, ku outoridat otorga dor di gobierno Hulandes pa blokia I o tarda kualke akshon legitimo di gobierno lokal ku e Hulandesnan no ta di akuerdo ku ne.
Adishonalmente, e gobierno Hulandes a sigui ku e proseso pa aneksa I ankra e islanan aki den konstitushon Hulandes kontra di deseo di e pueblonan manera ekspresa den referenda tene na tur e dos islanan.
E gobierno Hulandes mentras ku nan no ta kumpliendo ku ningun akuerdonan ni tampoko ku nan obligashonan relashona ku e islanan, sosialmente, ekonomikmente o poilitikamente, a disidi unilateralmente sin ningun dialogo o konsultashon ku e gobierno demokratikamente eligi I legitimo di Sint Eustatius, I a pone un banda e deseo di e pueblo, pa medio di un medida di alto supervishon I administra e isla pa un komisario atministrativo apunta pa e Hulandesnan.
E akshon aki no ta den kuadro di e prinsipio di demokrasia o di akuerdo ku Charter di Nashonan Uni ku ta preskribi un ful medida di propio gobermashon.
CPA ferventemente ta opone e akshon a-demokratiko I drakoniko di e gobierno Hulandes, den derokamento I inhustu take-over di e gobierno di Sint Eustatius I derumbamentu di e miembronan di konseho ku ta legitimo elegi I e deputadonan apunta.
Nos ta kondena I rechasa e akshon aki komo illegal, drakoniko I sin merito o hustifikashon, I nos ta para den solidaridat ku nos isla ruman I su lucha pa hustisia I un ful medida di propio goberanshon.
Por lo tanto nos lo buska pa remedia I rektifika esaki den koperashon ku Sint Eustatius via tur medionan legal na nos alkanse.