Kasnan doméstiko por spar konsiderabelmente riba nan kuenta di koriente. Riba su pagina www.FB.com/Unkobon, e Union di Konsumidó Boneiru a inisiá ku un kampaña informativo ku tépnan kon spar.
Tép 1. Kumpra aparatonan elektróniko di 50 hertz(Hz). Ku un eiskast di 50 Hz bo ta spar, ku e tarifa di koriente entrante 1-1-2018, un montante di $ 180.00 pa añaSi bo tin kumpra un eiskast òf un wasmashin nobo, kumpra un modèl di 220/50 Hz. Probablemente e model Oropeo aki ta kosta algu mas karu pero e diferensha aki bo ta saké lihé bèk pa motibu di e uzo ekonómiko. Naturalmente bo mester tin un instalashon di 220 volt den bo kushina òf washòk. Un transformator grandi tin mas pérdida ku un chikitu. Si akaso bo disidí tòg di kumpra un model amerikano skohe un transformator no mas grandi ku ta nesesario na e modèl di eiskast/wasmashin. Saka e stèker for di stopkontakt na momento ku bo no ta usa e wasmashin