Ministerio Públiko (OM) Sint Maarten, Kuerpo di polis di Sint Maarten (KPSM), RST i FIU (Financial Intelligence Unit) Sint Maarten a start na ougùstùs 2017 ku un investigashon penal na 13 dunadó di servisio ku no a duna, òf a koperá insufisientemente na registrashon na FIU di Sint Maarten. A skucha algun di nan komo sospechoso.
Ta trata di joyería, makelar i akountent ku na vários okashon a ser atendé pa FIU pa registrá nan mes. Apesar di vários petishon tòg nan no a kumpli ku nan deber.
Instansianan no-finansiero ku tin ku raportá na Sint Maarten ta obligá pa mèldu transakshonnan no-usual na FIU Sint Maarten. E asina yama “wardadónan di porta” (poortwachter) ta indispensabel den atendimiento di labamentu di plaka i finansiamentu di terorismo. Ta p’esei ta di sumo importansia ku nan ta kumpli ku nan deber. Esaki den kuadro di Ordenansa Nashonal (Landsverordening) Transakshonnan Inusual (LV MOT) i Ordenansa Nashonal Identificatie bij Dienstverlening (LV ID).
E investigashon penal inisiá ta tuma lugá den kuadro di e asina yamá “niet-melders project”. Meta di e proyekto aki ta pa tin mas, na ora, i mihó notifikashon na FIU Sint Maarten. Ta pues importante I un stap importante pa registrashon di e instansianan no-finansiero manera joyería, makelar, akountent registrá nan mes. Parti di e registrashon ta entregá di dokumentashon di parti di e instansia ku tin ku kumpli ku e Ordenansa Nashonal LV MOT I LV ID.
Mas ku un aña pasá FIU a identifiká un grupo di provedor di instansianan obligá pa duna informashon ku no a registrá nan mes anda. FIU, pa guia nan den e proseso di registrashon, a tene vários enkuentro di informashon i a manda vários informe por eskrito. Tambe e asosashon komersial a trata na motivá su miembronan pa koperá ku e obligashon di registrashon. Lamentablemente un grupo di 13 dunadó di servisio notorio no a, òf no koperá sufisiente. Despues di konsulta entre OM I FIU Sint Maarten a disidí pa atendé ku nan di un forma penal. Esaki pa motibu ku ta di importansia evidente pa nan koperá. Mientrastantu funshonarionan di KPSM, RST i FIU a tuma esaki konhuntamente na nan enkargo.
E efekto di e akshon aki tabata mesora notabel pa FIU Sint Maarten. Algun di e sospechosonan a disidí, durante e verhoor, ku tòg nan ke kumpli ku e obligashon di duna informashon. Tambe vários di esnan obligá pa duna informashon, ku no tabata envolví den e investigashon penal, a tuma paso spontáneo pa kontesta informashonnan pendiente di FIU.
Ministerio Públiko (OM) Sint Maarten a disidí pa duna esnan ku tòg a koperá, pa duna esakinan un atvertensia. E atvertensia tabata den forma di un voorwaardelijk sepot, esta pa seponé di un forma kondishonal. Esei ta nifiká ku no ta kontinuá ku persiguishon penal, basta nan kumpli ku tur eksigensia. Un di e kondishonnan ta ku nan ta entregá tur dokumento nesesario na FIU. Ademas e sospechosonan no mag hasi nan es kulpabel na hecho kastigabel. Si no kumpli, ta emití un dagvaarding na e sospechoso ku e konsekuensia ku e tin ku responsabilisá su mes na un Wes penal. A loko ta trata esnan ku no ta koperá, ta kontinuá ku e investigashon penal.
E proseso pa mèldu transakshon no-usual i hasi un investigashon di kliente (cliëntenonderzoek) ta keda un punto di lansa importante den kombatimentu di labamentu di plaka i finansiamentu di terorismo. Den futuro, den kuadro di e “proyekto di esnan ku no ta notifiká”, ta bai sigui pidi atenshon pa e tema. Ta por ehèmpel krusial ku den kuadro di lantamentu di nobo (wederopbouw) despues di orkan “Irma”, pa ofisinanan di atministrashon i ofisina di trùst pa sigui mèldu transakshonnan inusual. Esaki den kaso di kompanianan den konstrukshon.
Mas informashon tokante FIU i obligashon pa mèldu: www.fiu-sxm.net Por lesa tambe e komunikado anterior riba e tema, esta FIU Sint Maarten en OM starten “niet-melders project”