Unkobon, e union di konsumidó na Boneiru, diadomingu ultimo a pone hopi hende riba pia pa e kaminata den naturalesa ku nan a organisá den kuadro di selebrashon di nan promé lustro. Despues di e kaminata e partisipantenan tabata entusiasmá ku e ruta y a elogiá e forma profeshonal ku Unkobon a organisá e evento aki. E asosashon di konsumidónan di Boneiru a demostrá ku un evento di e taya aki por wordu organisá eksitosamente solamente ku koperashon di boluntarionan ku sa kiko nan ta hasi. Ta pesei lema di Unkobon ta: huntu nos ta pará fuerte.
Unkobon ta sumamente kontentu ku e resultado y ta gradisí tur ku a kumpra karchi, tur e partisipantenan, korant, radio, televishon y speshalmente tur e kolaboradónan ku boluntariamente a kontribuí na organisashon di e kaminata aki.
Eric Booi, e sekretario di Unkobon, ta bisa: “Mi ta spera ku e evento aki ku mas hende sa awó ken ta Unkobon y kiko Unkobon a hasi y ta hasiendo na interes di e komunidat Bonairiano. Bira miembro pa huntu nos ta pará fuerte. Kontribushon $ 10,–pa aña.”
www.facebook.com/unkobon www.consumentenbonaire.com
