Fin di aprel e presidente i presidente suplente di Brandweer Nederland tabata di bishita na brantwer na Boneiru (BKCN). E bishita aki ta pas den e strategia Brandweer Nederland pa den e periodo binidero orientá mas riba eksterior. E palabrashonnan pa e bishita aki a keda hasí durante e último kongreso di brantwer na Twente (Hulanda) entre e presidente di Brandweer Nederland, sr. Stephan Wevers i e komandante general di BKCN, sr. Jair Tromp.
Durante e programa di bishita drùk ku a dura vários dia, a trata un kantidat supstansial di tópiko den vários seshon ku ta di importansia pa ámbos partido. Asina BKCN a haña un splikashon ekstenso riba desaroyonan riba tereno di brantwer na e parti Europeo di Hulanda i BKCN por a duna un bon bista di e kuerpo i su retonan.
Den kuadro di e bishita aki a hasi palabrashon konkreto riba vários tereno bou di kua suministrashon di informashon na BKCN, posibel sosten di personal temporal for di Hulanda i tambe entrenamentu i formashon, partikularmente pa ofisialnan di bombero.
E komandante general di BKCN a bisa: “BKCN ta honrá ku e bishita aki di sr. Wevers i sr. Kransen i nos tin tur konfiansa ku e koperashon estrecho aki lo resultá den oportunidatnan pa ámbos partido”.