Riba djamars 5 di mart Eerste Kamer na Den Haag a aprobá e proposishon di lei kaminda ta regla ku Lei di Schadefonds Geweldsmisdrijven ta bira aplikabel pa Hulanda Karibense. Esaki ta un bunita promé paso den mehorashon di posishon di víktimanan na Hulanda Karibense.
For di promé di aprel 2019, víktima di delito di violensia ku a tuma lugá na Boneiru, Sint Eustatius òf Saba, ta bini na remarke pa un pago di un solo biá di Schadefonds. E ekspanshon ta konta pa krímennan ku a tuma lugá riba òf despues di promé di yanüari 2017.
Schadefonds Geweldsmisdrijven ta proveé pago di un solo biá na:
• Víktima di krímennan violento ku dor di esaki (t)a sufri leshon físiko i/òf síkiko grave;
• Famia di promé grado di víktima di krímen violento òf delitu di morto pa kulpa;
• Famia di promé grado di víktima ku tin problema físiko i/òf sikológiko grave i permanente komo resultado di un krímen violento.
Ku e pago, na nòmber di sosiedat di parti di Gobièrnu, Schadefonds ta rekonosé e inhustisia ku a hasi nan. Di e manera aki, Schadefonds ta kontribuí na e rekonstrukshon di konfiansa i di hustisia pa e víktima i su famia.
For di promé di aprel por entregá petishon digital na Bureau Slachtofferhulp.
Pa mas informashon por mira e wèpsait www.schadefondsCN.com.