Den kuadro di e Programa di Derecho di Mucha Hulanda Karibense, UNICEF Hulanda a fasilitá un ‘Results-Based Management Training’ di 3 pa 11 di mei. 38 profeshonal di e entidatnan públiko Boneiru, Sint Eustatius i Saba i e ministerionan na Den Haag a sigui e treinen. Miembronan di e Taskforce Interlandelijke di Derecho di Mucha di Kòrsou, Aruba i Sint Maarten tambe a tuma parti. E profeshonalnan aki tin e responsabilidat pa monitoriá i evaluá inisiativanan di programa i maneho relashoná ku mucha.
Meta di e treinen RBM ta pa duna e profeshonalnan mas konosementu, abilidat i instrumentonan pa plania, ku ta kontribuí na un maneho di mucha mas efektivo. Durante di e treinen a hasi uzo di análisis di e situashon di muchanan na Hulanda Karibense ku UNICEF Hulanda a ehekutá den 2019. Akiden a inkorporá e desaroyo- i desafionan mas importante pa muchanan riba e tres islanan. For di e análisis, importansia di e treinen RBM a bin dilanti. Dor di e treinen aki por realisá profeshonalisashon mas aleu riba tereno di planiashon, monitoria, registrashon sistemátiko i stipulashon di kuadronan di evaluashon.
Entidat Publiko Saba, tim Saba: E “Results Based Management training” a yuda forma nos manera di pensa tokante inovashon i pa nos ta mas spesífiko den e forma ku nos ta kompilá i analisá datonan. Komo un tim, konhuntamente nos a siña diferente manera pa formula resultado deseá na un manera efisiente i un forma kon pa monitoriá esaki. Nos lo pone den práktika, tur loke nos a siña den RBM ya asina nos esfuerso komo organisashon ta dirigí riba mehorashon di akohida pa mucha i servisionan di enseñansa.
Ingrid Sealy, hefe di departamentu Apoyo Sosial i Aktivashon Laboral: “Tabata trata di un treinen aklarativo ku ta aplikabel den práktika. Ta nèchi manera pa fortalesé e kolaborashon i saber na e isla- i paisnan.
E treinen tabata posibel dor di un kolaborashon di UNICEF Hulanda, e ministerio Hulandes di Asuntunan Interior i Relashonnan den Reino, e programa di BES(t)4 Kids i e entidatnan públiko Boneiru, Sint Eustatius i Saba.