Empresarionan afektá pa e medidanan en konekshon ku vírùs di corona i ku tin di aber ku gastunan fiho haltu, por bini na remarke pa un kompensashon di Ministerio di Asuntunan Ekonómiko i Klima (Economische Zaken en Klimaat, EZK). E kompensashon ta un pago di un solo bia di 4400 dòler.vvE kompensashon ta intenshoná pa empresarionan ku ta aktivo na Boneiru, Saba òf Sint Eustatius ku ta antisipá pèrdida di benta di mínimalmente 4400 dòler den e periodo di 13 di mart 2020 te ku 12 di yüni 2020, miéntras nan gastunan fiho ta mínimalmente 4400 dòler durante e mesun periodo. Bou di gastunan fiho ta kai por ehèmpel gastunan di e edifisio di negoshi, seguro i finansiamentu. Impuesto, primanan di dunadó di trabou i gastunan laboral no ta konta komo gastu fiho. Pa gastu laboral por hasi un apelashon riba e areglo di emergensia di SZW. vvKomo ku e ministerio di EZK no tin instansia ehekutivo na Hulanda Karibense, unidat SZW di RCN ta bai ehekutá e areglo aki. Ta posibel pa bini na remarke pa tantu e areglo di emergensia di SZW komo pa e kompensashon di EZK. vvE kondishonnan i formularionan di aplikashon pa e kompensashon ta disponibel riba www.rijksdienstcn.com/covid-19 (bou di Pakete di emergensia di Gobièrnu). Por entregá formularionan kompletamente yená i firmá te ku mas tardá 12 di yüli 2020 via di e e-mail tegemoetkomingEZK@rijksdienstcn.com. vvPa ayudo ku aplikashon por tuma kontakto via di telefòn ku unidat SZW di RCN via 781-5558 (Boneiru) òf 319 5693 (Sint Eustatius i Saba). Empresarionan na Boneiru por dirigí nan mes tambe na Kámara di Komèrsio via di steunloket@kvkbonaire.com.
