BES(t) 4 Kids tin dos ophetivo: fortalesé kalidat di kuido hubenil i di fasilidatnan pafó di skol i mehorashon di aksesibilidat finansiero pa mayornan. E programa tin komo ophetivo pa na komienso di 2020, dos ordenansa di lei importante drenta na vigor: un ordenansa di isla ku kriterionan di kalidat pa organisashonnan di akohida pa mucha i un skema di supsidio pa redusí gastu pa mayornan. vvGobièrnu di Reino, huntu ku e entidatnan públiko Boneiru, Sint Eustatius i Saba, a komponé un konsepto di e ordenansa di lei akohida pa mucha. Kolegio ehekutivo di Sint Eustatius a establesé e regulashon riba 3 di desèmber 2019. Kolegionan Ehekutivo di Boneiru i Saba a presentá nan konsepto di e ordenansa di lei e luna aki na nan konsehonan insular. E konsehonan insular tin outoridat pa evaluá i determiná e konsepto di e ordenansa di lei. Despues di e aprobashon, e ordenansa akohida pa mucha por drenta na vigor .
For di e momentu ei, organisashonnan di akohida pa mucha na Boneiru, Sint Eustatius i Saba mester tin un lisensia di eksplotashon pa ofresé nan servisionan. Den e konsepto di e ordenansa di lei tin tur e kriterionan di kalidat ku organisashonnan mester kumpli kuné pa por optené e pèrmit aki i pa mantené. Pensa por ehèmpel riba e kantidat máksimo di mucha pa grupo, e kalidat pedagógiko, e nivel di edukashon di e profeshonalnan i e seguridat di e espasionan. vvOrganisashonnan nobo di kuido di mucha for di prinsipio mester kumpli ku e kriterionan di kalidat. Organisashonnan eksistente ta haña un término rasonabel pa kumpli ku e eksigensianan di kalidat. Pa esaki nan ta risibí ayudo di e programa di BES(t) 4 Kids. Por ehèmpel ku preparashon di un plan di maneho pedagógiko, òf ku programanan di kapasitashon pa e personal por kumpli ku e kriterionan nobo di kapasitashon. vvE programa BES(t) 4 Kids lotin un areglo di supsidio tambe pa 2020. Ku e supsidio, organisashonnan por baha posibel gastu adishonal pa mehorá kalidat di nan akohida i asina baha e gastunan pa e mayornan. Ta anunsiá e areglo di supsidio na komienso di 2020. E ora ei ta konosí tambe kua organisashon ta bini na remarke pa supsidio i bou di kua kondishon.vvAl final tur plan i akshon di BES(t) 4 Kids mester resultá den un ambiente di akohida pa mucha seif i plasentero, aksesibel pa tur mayor na Hulanda Karibense.
