Entrante febrüari 2019 ta posibel pa empresarionan hasi deklarashon di ABB/LH online.
Belastingdienst/CN (B/CN) a digitalisá e proseso di deklarashon i esaki tin un kantidat di bentaha grandi.
Proseso mas fásil
E proseso ta bira mas fásil, mas rápido i ku ménos chèns pa fayo tantu pa e empresario komo pa Belastingdienst. Ta manehá tambe un archivo digital pa e empresario.
No ta nesesario mas tampoko pa buska un stèmpel na ofisina di belasting òf pa
manda e deklarashonnan ku pòst, entrega digital ta sufisiente.
Outorisashon
Empresarionan por outorisá un konsehero fiskal tambe i e ora ei tur
dos tin bista riba progreso di e deklarashonnan (ya entregá). Tambe nan por duna di konosé si nan ke hasi nan deklarashon di ABB/LH pa luna, pa kuartal òf pa aña.
Deklarashon i pagonan mester ta entregá na Belastingdienst denter di 15 dia despues ku bo periodo vense.
Informashon
Den kaso di pregunta por tuma kontakto ku e ‘helpdesk’ di Belastingdienst/CN via di telefòn +599 7158545. Esaki por di djaluna te ku djaweps, di 8 or di mainta pa 12 or di mèrdia i di 2 or pa 4 or di atardi. Tambe ta posibel pa manda un e-mail na he******@be****************.nl.