Resientemente a drenta diferente reklamo serka Unkobon di miembronan ku a risibí un aanmaning di Belastingdienst CN, apesar ku nan a paga nan impuesto riba number di outo (motorrijtuigenbelasting) na tempu. Ora bèl Belastingdienst CN nan ta wòrdu informá pa presentá na ofisina di Belastingdienst ku e prueba ku e pago ta hasí.
Unkobon ta haña ku no ta bon servisio pa laga e kliente tuma e molèster pa bai Belastingdienst pa prueba ku e a paga. Komo tal Unkobon a tuma kontakto ku Belastingdienst CN y a hasi e pregunta ku no por otro. Por ehempel scan e prueba òf e-mail òf datonan di e pago.
Belastingdienst a informá Unkobon ku e impuesto riba number di outo ta uno di OLB y ku belastingdienst ta hasi e kobransa pa nan. Asina tambe Belastingdienst ta manda e aanmaningnan pa OLB. Belastingdienst ta risibiendo, ya pa un par di siman kaba, via telefon, e mail y na nan balie, reaskshon di klientenan riba e aanmaningnan aki. Belastingdienst ta tratando pa solushoná e problema aki mas pronto ku ta posibel.
Ta sugui ta posibel pa manda prueba di bo pago via di e-mail. Si den kaso scan of foto no ta posibel por yena e datonan di pago manera crib nr, banko, fecha y number di transakshon y manda esaki na info@rijksdiensten.com . Belastingdienst lo kompará e datonan aki ku nan atministrashon.
Unkobon ta apresiá e koperashon di Belastingdienst CN pa yega na un servisio muchu mas amabel pa e kliente.
- Sunday, October 13, 2024
