Tur mucha mester por partisipá. Tantu sosial, den deporte, kultura i na skol. Esaki ta e punto di salida di e reglamentu di supsidio publiká riba 2 di mei 2017. For di 2017 e gabinete a pone 1 mion euro èkstra disponibel pa duna tur mucha di Boneiru, Saba i Sint Eustatius oportunidatnan. Di 29 di mei te ku 12 di yüni 2017 a habri e promé periodo pa reglamentu di supsidio, tantu na Hulanda oropeo komo Hulanda Karibense. E repartishon di e 1 mion pa Hulanda Karibense ta fiha asin’aki: € 550.000 pa Boneiru, € 250.000 pa Sint Eustatius i € 200.000 pa Saba.Den 2018, 2019, 2020 i 2021 tambe tin 1 mion euro disponibel pa Hulanda Karibense. Por entrega petishonnan pa supsidio pa 2018 di promé di mei 2018, 9 or di mainta te ku 15 di mei 2018, 5 or di atardi.
Durante di e periodo a drenta 79 petishon pa e tres islanan huntu ku un suma total di mas o ménos € 2.3 mion. Ku esaki a surpasá e bùdjèt disponibel reimu a base di e petishonnan entrega. Primeramente enseñansa primario i sekundario, organisashonnan di akohida despues di skol, organisashonnan religioso,klupnan di deporte, organisashonnan kultural, organisashonnan pa protekshon di naturalesa, akohida di mucha, organisashonnan di hóbennan i Sentro pa Hubentut i Famia entre otro, a entrega e petishonnan.
Tur organisashon ku a entrega un petishon. entretantu a risibí un konfirmashon di resepshon òf informashon mas detayá tokante di e petishon entrega. Na e momentunan aki ta evaluá e petishonnan entrega, tokante e kontenido, despues di kua lo hasi preguntanan adishonal na e organisashonnan. Mayoria organisashon a risibí un karta ku pregunta kaba. A rechasá algun petishon mesora komo ku nan no ta kumpli ku e kondishonnan di supsidio evidente. E espektativa ta ku pa fin di yüli por kuminsá ku otorgamentu i rechaso di petishonnan pa supsidio. Mirando e gran kantidat di petishonnan entrega i e suma pertenesiente na esakinan, no por otorgá tur petishon ku si ta kumpli ku e kondishonnan di supsidio pone. Ta otorgá petishonnan ku ta kumpli ku e reglamentu a base di e sekuensia ku nan drenta te ora yega e plafòn di supsidio. Tur petishon ku ta sigui despues di esaki ta keda rechasá.