Defensa den Region Karibe tin un barku patruyero na su disposihon atrobe. E barku di Marina Zijner Majeisteits (Zr.Ms.) Friesland djadumingu ultimo a yega Kòrsou mas o menos 12:00 or. Zr.Ms. Friesland lo permanesé minimal 6 luna den Region Karibe.
Durante e lunanan benidero e barku lo patruyá intensivamente riba laman Karibe. Entre otro e lo keda desplegá pa operashonnan anti-droga, ehekushon den kaso di kontrabanda di arma i trafikashon di hende, pero tambe eventualmente ora di yudansa di emergensia durante un orkan paden of pafó di Reino. E barku lo nabegá tambe pa Wardakosta, i tambe lo okupá su mes ku mantenshon di reglanan di medioambiente, por ehempel si tin di haber ku piskamentu (ilegal).
E barku patruyero nobo atrobe ta un (Oceangoing Patrol Vessel) barku patruyero apto pa Oséano di Klase Hulandes. Zr.Ms. Frieslandden kuminsamentu di aña 2018 tabata aktivo pa ultimo biaha kom barku patruyero den Region Karibe. Ku presensia di e barku patruyero Forsanan Arma ta kumpli ku su tareanan konstitushonal, tal manera mantenshon di orden hurídiko internashonal.. E anterior barku patruyero, , Zr.Ms. Groningen, a sabi di buk un kaptura rèkort di droga, di sinku biaha den ún luna, i a interseptá miles di kilo di droga.