Sekretario di Estado Raymond Knops (Asuntunan Interno i Relashonnan den Reino) ta hasi un bishita di trabou na Sint Eustatius, Saba i Sint Maarten, di 16 te ku 20 di mei benidero.
Na Sint Eustatius e sekretario di estado lo hiba kombersashon ku e Komisario di Gobièrnu suplente Alida Francis i sekretario di e isla Malvern Dijkshoorn-Lopez, miembronan di konseho insular i lidernan spiritual. Knops ta bishitá entre otro algun proyekto riba tereno di karetera, konservashon di naturalesa i suministrashon di awa i ta papia ku diferente persona envolví.
Riba 17 di mei sekretario di estado ta yega Saba unda e lo bai tin un enkuentro ku gezaghèber Jonathan Johnson i sekretario di isla Tim Muller, miembronan di kolegio ehekutivo, konseho insular i OMT. Tambe tin riba programa kombersashonnan relashoná ku e ‘Saba Package’ i bishita na algun proyekto relashoná ku esaki. Un kombersashon ku e Konseho Hubenil tambe ta planiá. Sekretario di Estado ta biaha riba 18 di mei na final di dia pa Sint Maarten, unda ku entre otro e lo reuní ku Minister Presidènt Silveria Jacobs tokante di desaroyonan polítiko atministrativo. Ademas e lo bishitá, entre otro, un lokalidat di vakunashon i algun proyekto.