Riba 19 di yanüari 2021 lo akomodá e ambiente online di Belastingdienst Caribisch Nederland bou di MijnCN: e plataforma online pa servisionan di gobièrnu na Hulanda Karibense.
Téknikamente ta un operashon grandi pa muda Belastingdienst pa e plataforma nobo. E preparashonnan a kuminsá kaba i e mudansa mes lo tuma lugá den e terser siman di 2021. P’esei di 16 te ku 18 di yanüari no ta posibel pa login riba e servisio online di Belastingdienst Caribisch Nederland. Entrante 19 di yanüari usuarionan por akudí na www.mijncn.nl pa nan deklarashon di Inkomstenbelasting, ABB i
Belastingdienst Caribisch Nederland ta e promé servisio riba e plataforma nobo. Den e di dos kuartal di 2021 Asuntunan Sosial i Empleo tambe lo konektá ku e posibilidat pa dunadó di trabou pa mèldu apsenteismo pa petishon di pèrdida di salario. Riba término lo ekspandé e portal pa mas servisio di Gobièrnu Sentral i gobièrnu lokal. Pa asina habitantenan di Hulanda Karibense por regla nan asuntunan via di un portal.
Pa por hasi deklarashon di IB, e usuario mester traha un kuenta nobo riba MijnCN. Pa hasi deklarashon di ABB of Loonheffing e usuario por hasi uzo di e informashon di ‘log-in’ ku e tabata uza promé kaba.