Riba 2 di desèmber e ofisina di Belastingdienst na Sint Eustatius ta muda pa Cottageweg 2. Esaki en konekshon ku un renobashon di e ofisina aktual. E renobashon lo tuma luga te ku fin di yanuari 2021.
Entrante 3 di desèmber klientenan por akudí na e ofisina, di djaluna te ku djabièrnè, entre 8 or di mainta i 2 or di mèrdia, solamente ku sita. Por traha un sita telefónikamente via number di telefòn 318 3325 òf 318 3326. Por drenta un máksimo di 2 persona pa biaha i bistimentu di un tapaboka ta obligatorio.
Pa hasi entrega di dokumentonan físikamente, por depositá esakinan den e buzon.
Pa por sirbi kliente mas rápido i mihó, Belastingdienst ta keda alkansabel via: ba***@be****************.nl
Por akudí via e adrès di meil aki ku preguntanan ku normalmente lo a pasa na bali di Belastingdienst, manera:
- Pregunta tokante tur tipo di ‘aangifte’ i komportashon di ‘aangifte’;
- Petishonnan manera: DIGID, number di crib, deklarashon di entrada, deklarashon di Asistensia Hurídiko, areglo di pago i posponementu di pago;
- Kambionan manera: kambio di number di kuenta i/òf adrès
- Tur pregunta di Duana
E adrès di meil he******@be****************.nl tambe ta keda disponibel pa pregunta tokante di ICT pa tur tres isla. Por entregá dokumentu libramente despues di orario di ofisina tambe den e buzon banda di e entrada prinsipal di ofisina di Belastingdienst na Boneiru.