No tin devaluashon
WILLEMSTAD/PHILIPSBURG – Den su komunikado di prensa di 14 di yanüari di 2020, Vereniging Bedrijfsleven Curaçao ta duna di komprondé ku un oumento di e license fee manera proponé dor di Gobièrnu di Korsou, lo nifiká un devaluashon di florin di Antia Hulandes. Esaki no ta korekto. Oumento di e license fee lo pone importashon di produkto i servisio bira mas kostoso, sin embargo, esaki tambe lo ta e kaso si oumentá tarifa di importashon òf tasa di impuesto na frontera. Un devaluashon ta nifiká un kambio den e tasa di kambio fiho di florin di Antia Hulandes ku dòler di Estádos Unídos, lokual no ta e kaso.