Kuerpo di Bombero Hulanda Karibense ta organisá un siman di ehersisio na Boneiru di 16 pa 20 di sèptèmber, ku ehersisionan di práktika di kandela grandi i otro kalamidat. BKCN tin atenshon kontinuo pa kapasitá i trein su personal kompleto, ku e meta di tin un kuerpo di bombero profeshonal, ku personal bon kapasitá. Treinen i práktika hopi biaha ta sosodé den òf rondó di e kazèrne, pero tin biaha tambe ta nesesario pa hasi esaki na otro sitio.
Durante di e siman di treinen aki pa ofisialnan den servisio, ta trein riba tur riesgo (grandi) ku por tin na Hulanda Karibense: kandela den kompania, insidente ku supstansia peligroso, aksidente na aeropuerto i/òf ku barku krusero, tormenta tropikal, etc. Durante e dianan ariba menshoná, Boneiru por lo tantu ta esenario (fiktisio) di kandela grandi, eksploshon i otro kalamidat, kaminda lo hasi práktika mas paresido na bèrdat posibel.
Lo tin treinen riba tres diferente lugá, i brantwer lo ta presente na e sitionan ku diferente vehíkulo di brantwer i bombero.
Si durante e dianan aki habitantenan mira brantwer den akshon na Kralendijk, no nesesariamente ke men ku tin algu malu andando. Lo tin señal di atvertensia na e lugá di treinen, ku ta indiká ku ta trata di un ehersisio. Mas ku klaro kuerpo di bombero lo hasi tur loke ta posibel pa limitá molèster.