Bishita di trabou “BESt4kids” pa adelanto i inspirashon

Best4Kids-2.jpg

Fotobijschrift De deelnemers tijdens een bezoek aan Wij zijn JONG (JeugdOntwikkeling Nederland Groep), een landelijk netwerk (203 vestigingen) voor kinderopvang en kennisontwikkeling.

Vários empleado públiko di Boneiru, Sint Eustatius i Saba a traha siman pasá na Utrecht, Hulanda huntu ku empleadonan públiko di Ministerionan Hulandes riba e programa “BESt4kids”. Meta di e programa aki ta pa reforsá e fasilidat di akohida pa mucha promé i despues di skol na Boneiru, Sint Eustatius i Saba (Hulanda Karibense). E ambishon ta pa na 2022 ofresé na tur mucha di Hulanda Karibense krèsh i akohida despues di skol ku ta di bon kalidat i pagabel. Akohida ku ta sòru pa un bon desaroyo di kada mucha. Pero tambe pa un bon konekshon ku enseñansa i aktividatnan di balor den tempu liber.

E entidatnan públiko i ministerionan di SZW , VWS , OCW i BZK ta traha konhuntamente ku otro den e programa aki. Den esaki nan lo sinkronisá hopi ku ‘stakeholder’ lokal . Manera e organisashonnan di krèsh i akohida despues di skol, skol i otro instansianan den e kadena hubenil. (Red. sentronan di kuido hubenil, Voogdijraad, sentronan di eksperto den kuido di enseñansa, etc ).

Na 2018 e ministerionan enbolbí i entidatnan públiko a palabrá durante vários enkuentro di trabou na Hulanda Karibense kiko nan ta bai hasi den e programa BEST(t)4kids. Tambe kon nan ta bai traha huntu den e programa aki. E punto di salida di e programa ta un aserkamentu kolektivo. Pero tin atenshon tambe pa e problemanan spesífiko i e nesesidat di kada isla. Kada isla pero tambe gobièrnu di Reino tin su mes plan di enfoke ku ta forma parti di e programa aki.

Durante di e enkuentro di trabou na Utrecht e empleadonan públiko konserní a sigui traha huntu riba realisashon di e metanan di e diferente temanan. Pensa aki riba supervishon di krèsh i akohida despues di skol, e normanan di kalidat vigente, muchanan ku mester di kuido i e gastunan pa krèsh. E grupo a bishitá tambe dos instituto di mucha na Brabant: e organisashon pa mucha i akohida despues di skol ‘Wij zijn JONG’ i e fundashon ‘Milo’, un sentro pa mucha ku tin nesesidat di kuido speshal. E bishitanan a duna hopi inspirashon. Tantu pa krèsh i pa akohida despues di skol komo pa koperashon ku e skolnan i institutonan hubenil den Hulanda Karibense.

E programa BESt4kids entrante 1 di mart 2019 ta bou di maneho di manager di programa Fleur Lagcher. Pa kada isla a apuntá tambe un guia di proyekto: Angela Dekker pa Sint Eustatius i Rosalyn Johnson pa Saba. Si tur kos kana bon, den luna di aprel lo nombra e guia di programa pa Boneiru tambe. E tres guianan di proyekto i e manager di programa ta traha hopi serka ku e guianan di proyekto lokal i di e ministerionan na Hulanda konserní.

 

 

 

Leave a Reply

Your email address will not be published. Required fields are marked *

scroll to top