Kampaña tokante violensia den relashon: E no ta stòp di mes. Buska kontakto!

For di ministerionan di Hustisia i Seguridat, di Salubridat, Bienestar i Deporte, i den kolaborashon ku entidatnan públiko, a start un kampaña intensivo rondó di e tema ‘violensia den relashon’. Un tema doloroso ku no ta fasil pa papia di dje, pero ku si meresé atenshon. Via e páginanan di Facebook di RCN i OLB lo publiká algun felm tokante e tema aki.

Den kolaborashon ku diferente instansha di ayudo, a skohe pa un kampaña ku diferente tema ku enfoke partikular riba e problemanan vigente riba e islanan. Kada luna lo toka un tópiko ku tin di haber ku violensia den relashon, manera diferente forma di negligensha, violensia mental òf físiko, pero tambe violensia kontra grandinan.

Además ta utilisá e kampaña aki pa duna mas rekonosementu na algun di e organisashonnan di ayudo na Boneiru:
Sentro Hubentut i Famia: 715 72 00
Maneho Integral di Bario: 717 22 11
Ofisina Yudansa pa Víktima: 717 61 81

Nan tei pa ofresé yudansa òf pa guiabo den direkshon di e organisashon ku lo por yudá bo mihó, si ta trata di negligensia of violensia. Si bo ta rekonose bo mes den un di e situashonnan menshoná, no duda i tuma kontakto.