Preisnan pa konsumidó ta subi ménos fuerte na Boneiru

Den e di dos kuartal di 2018 e preisnan pa konsumidó na Boneiru tabata 3,0 porshento mas haltu ku un aña anterior. E kuartal anterior e subida di preis di merkansia i servisio tabata ainda 3,8 porshento. Na Saba preisnan a subi riba base anual ku 3,2 porshento i na Sint Eustatius ku 1,2 porshento. Esaki CBS ta partisipá basá riba e índise di preis pa konsumidó (CPI).

Na Boneiru Autoriteit Consument en Markt (Outoridat Konsumidó i Merkado) a stipulá tarifanan nobo pa awa i elektrisidat entrante promé di aprel 2018. Elektrisidat tabata 6 porshento mas karu ku un aña anterior den e di dos kuartal, den e kuartal anterior esaki tabata ainda 24 porshento. E diferensia ei tabatin pues un efekto di frena e desaroyo di preisnan pa konsumidó. Un subida di tarifanan di awa en kambio tabatin un efekto di oumento. Meskos ku den e kaso di koriente e desaroyo di preis di fruta fresku tambe tabatin un efekto di bahada.

 

Preisnan na Sint Eustatius 1,2 porshento mas haltu
Na Sint Eustatius e preisnan pa konsumidó tabata 1,2 porshento mas haltu ku un aña anterior; den e promé kuartal esaki tabata ainda 2,0 porshento. E preisnan a subi ménos fuerte pa motibu di e desaroyo di preis di pasashinan. Den e di dos kuartal di 2018 pasashinan tabata kosta mes tantu ku un aña anterior, pero den e promé kuartal nan tabata mas di 2 porshento mas karu ku den 2017. Desaroyo di preis di berdura fresku i pan tambe tabatin un efekto di bahada riba desaroyo di preisnan pa konsumidó.
Preisnan pa konsumidó a sigui subi na Saba
Na Saba e preisnan pa konsumidó den e di dos kuartal di 2018 tabata promedio 3,2 porshento mas haltu ku un aña anterior; den e kuartal anterior esaki tabata ainda 2,9 porshento. Desaroyo di preis di servisio di telefòn i internèt tabatin un efekto di subida riba desaroyo di preisnan pa konsumidó. Den e di dos kuartal di e aña aki e servisionan aki tabata kasi 7 porshento mas barata ku un aña anterior. Den e promé kuartal esaki tabata mas di 12 porshento. E subida di e CPI riba base anual a oumentá tambe pa motibu di materialnan di konstrukshon mas karu. E produktonan aki a subi tres kuartal konsekutivo, ku e subida mas haltu den e di kuater kuartal di aña pasá.

For di e promé kuartal di 2018 CBS ta publiká e índise di preis pa konsumidó pa Hulanda Karibense a base di e seri 2017=100. Esaki tin konsekuensianan pa uso di e índise. Mas informashon tokante di e kambionan ta pará den ‘Un aña di referensia nobo pa e índise di preis pa konsumidó Hulanda Karibense’.

Sifranan tentativo
E sifranan pa loke ta trata e di dos kuartal di 2018 ta tentativo i lo keda stipulá definitivamente na momentu di hasi publikashon tokante e di tres kuartal di 2018.

Fuente: StatLine: Caribisch Nederland
• Hulandes: http://statline.cbs.nl/Statweb/publication/?DM=SLNL&PA=84046NED&D1=0-2&D2=0&D3=a&D4=a&VW=T
• Ingles: http://statline.cbs.nl/Statweb/publication/?DM=SLEN&PA=84046ENG&D1=0-2&D2=0&D3=a&D4=a&LA=EN&VW=T

 

Lenknan relashoná:
• Een nieuw referentiejaar voor de consumentenprijsindex Caribisch Nederland
https://www.cbs.nl/nl-nl/onze-diensten/methoden/onderzoeksomschrijvingen/aanvullende%20onderzoeksbeschrijvingen/een-nieuwe-consumentenprijsindex-caribisch-nederland

Palabranan klave
Inflatie, Caribisch Nederland, Bonaire, Sint Eustatius, Saba, consumentenprijsindex