Habitantenan di Boneiru ta bai dentista ménos

New-Picture-8.png

Den 2017, 46 porshento di e habitantenan di Boneiru di 15 aña òf mas a bishitá dentista. Esei ta ménos ku den 2013, tempu ku 56 porshento di e hendenan a bai dentista. Den 2017, 10 porshento tabatin kontakto ku fisioterapista òf terapista di ehersisio, den 2013 esaki tabata ainda 21 porshento. Esei CBS ta publiká a base di sifranan nobo.

Personanan di 18 aña òf mas no ta haña kompensashon mas pa mayoria forma di kuido dental desde promé di yanüari 2015. Te ku desèmber 2014 personanan por a bin na remarke pa saneamentu dentadura, ku ta tuma lugá un biaha.
Dos tersera parti di esnan di 15 pa 25 aña di edat tabatin kontakto ku dentista den 2017
Den 2017 ménos persona a bishitá dentista por lo ménos un biaha kompará ku den 2013. E bahada aki tabata mas fuerte bou di esnan ku preparashon abou, di 51 porshento pa 38 porshento. Bou di mayoria grupo di edat no a mira un bahada signifikante di bishita di dentista, ku eksepshon di esnan di 25 te 45 aña. Di e grupo aki, 40 porshento a bishitá dentista den 2017, kompará ku 57 porshento den 2013.

 

 

Pashèntnan di dentista ta hasi ménos bishita
Personanan ku tabata pashènt di un dentista, den 2017 a bishitá esaki tambe ménos frekuente ku den 2013. E kantidat di bishita a baha di 7 te na 4. Pashèntnan ku preparashon abou a bai dentista mas di 8 biaha den 2013, den 2017 solamente 4 biaha. Bou di pashèntnan di dentista di 5 te 25 aña di edat e kantidat di bishita a baha di 9 te na 5.

Bahada di bishita na fisioterapista bou di esnan ku kualifikashon abou ta esun di mas fuerte
Promé di yanüari 2015 a limitá tambe e kantidat di tratamentu di fisioterapia kubrí pa seguro di kuido. E grupo di persona ku tabata bishitá un fisioterapista òf un terapista di ehersisio a baha den 2017 kompará ku 2013. E bahada tabata esun di mas fuerte bou di esnan ku preparashon abou i esnan di 45 te 65 aña. Di esnan ku preparashon abou, 20 porshento a bishitá un fisioterapista sigur un biaha den 2013. Esaki a baha te na 7 porshento den 2017. Bou di esnan di 45 te 65 aña e porsentahe aki a baha di 25 te na 11. E personanan ku tabata bou di tratamentu serka un fisioterapista a hasi esaki mes frekuente ku den 2013.

Fuentenan
StatLine – Caribisch NL: medische contacten, ziekenhuisopnamen, medicijnen; kenmerken
Hulandes: https://opendata.cbs.nl/statline/#/CBS/nl/dataset/82293NED
Ingles: https://opendata.cbs.nl/statline/#/CBS/nl/dataset/82293ENG

Leave a Reply

Your email address will not be published. Required fields are marked *

scroll to top