ACM ta adaptá e tarifa máksimo di elektrisidat na Boneiru, Sint Eustatius i Saba

E preis di kombustibel ku mester pa produsí elektrisidat a bira mas karu. Pa e motibu aki ACM a hisa e tarifa ku distribuidónan Water- en Energiebedrijf WEB N.V., St. Eustatius Utility Company NV i Saba Electric N.V., por kobra pa kilowat. E kompanianan mes por disidí kuantu mas nan lo bai kobra. E tarifanan aki no por ta mas haltu ku e tarifa ku ta kubri tur gastu ku ACM a stipulá.

ACM ta stipulá tarifanan ku ta kubri tur gastu
ACM a base di e Lei elektrisidat i awa di bebe BES tin e tarea pa stipulá e tarifanan ku ta kubri tur gastu. Ta trata aki di e tarifa máksimo ku un distribuidó por kobra su konsumidónan. Tur aña ACM ta stipulá esaki (promé di yanüari). Na kaminda ACM por kambia e tarifa variabel di uso pa elektrisidat entrante promé di yüli.

Preis di kombustibel ta determiná preis di elektrisidat
E tarifa variabel di uso ta e tarifa ku konsumidó tin ku paga pa uso di elektrisidat, ta trata aki di e preis pa kilowat. Un parti grandi di e tarifa aki ta konsistí di gastu di kombustibel ku mester pa por produsí elektrisidat. Debí na oumento di gastunan di kombustibel, komo konsekuensia di oumento di e preis di krudo, e preis di e tarifa variabel pa uso di elektrisidat tambe ta subi. Na momentu ku e preis di kombustibel baha, ACM tambe lo adaptá e preis variabel di uso na momento ku esaki baha.

Na Boneiru ACM lo adaptá en tarifa di Pagabon. Den e tarifa variabel aki tambe tin preis di kombustibel.

Por haña e dekretonan di ACM i e modèl di kálkulo riba e wèpsait di ACM:
www.acm.nl/caribisch-nederland.nl