Unifòrm nobo KPCN

KPCN ta introdusí e unifòrm operashonal nobo, 30 di aprel benidero na Boneiru. Ku esaki Boneiru tin e primisia, Saba i Sint Eustatius lo sigui den e di tres kuartal di e aña aki.
E koló básiko di e unifòrm ta blou skur, ku strepi hel den e parti ariba. Un tipo di karson estilo Swot Tim ku saku riba e pianan ariba i sapatu te na ènkel i un pèchi. Pakiko un unifòrm operashonal nobo? E unifòrm aktual ta un unifòrm formal, ku karson pantalon i un pèchi. E unifòrm operashonal nobo ta mas adekuá pa e trabou variá di riba kaya. E unifòrm aktual ta keda eksistí pa e koleganan ku no ta traha riba kaya. Tambe lo bisti’é pa okashonnan ofisial komo trahe representativo pa tur ku ta bisti unifòrm. E BPZ Bikers tambe ta keda ku nan unifòrm spesial ku nan tin kaba.