SZW ta lansa kampaña di konsientisashon na Saba i Statia

SZW-launches-awareness-campaign-on-Saba-and-Statia-1.jpg

Riba djaluna 16 di aprel e unidat di asuntunan sosial i labor di RCN (SZW) lo inisiá un kampaña di konsientisashon na Saba i Statia via di media sosial. SZW lo lansa dos infomercial, den kual aktornan lokal ta presentá, pa konsientisá i duna mas informashon riba ònderstant i ayudo spesial. E dos servisionan aki, ku e unidat di SZW ta otorgá, no ta wòrdu utilisá optimalmente na Saba i Sint Eustatius.

SZW ta hasi un yamada na abitantenan di Saba i Sint Eustatius, ku no tin trabou òf tin un entrada ménos ku e entrada mínimo, pa apliká yudansa. Ayudo spesial ta un areglo pa yuda penshonado- i personanan ku ta gana ménos ku e entrada mínimo, i no tin entrada adishonal, ku entre otro un frishidèr, un fòrnu, un fèn, un mashin di laba paña, artíkulonan pa skol òf un kama.

Segun e lider di tim di SZW Saba i Statia: “Mester mira e ayudo sosial komo un forma di solidaridat kaminda ku personanan ku ta traha, ta kontribuí na e sistema sosial pa benefisiá esnan ku ta desempleá òf mester di yudansa.”

Por wak e avisonan, ku ta pone énfasis riba e rekisitonan i unda pa hasi petishon, riba e página di Facebook di Rijksdienst Caribisch Nederland, Island Government of Saba- Government Information Services i Government of St. Eustatius.

 

Leave a Reply

Your email address will not be published. Required fields are marked *

scroll to top