Ministerio di EZK a otorgá supsidio pa elektrisidat na Boneiru

E ministerio di Asuntunan Ekonómiko i Klima (EZK) a pone un supsidio di 2,34 mion USD disponibel pa redusí e tarifanan di elektrisidat na Boneiru. Esaki ta nesesario pa motibu ku e gastunan ku WEB a atministrá den e tarifanan desde promé di yanüari 2018 a subi fuertemente.

Sistema nobo di tarifa
Riba promé di aprel un sistema di tarifa nobo lo ta na vigor. A apliká e sistema di tarifa aki na Saba i Sint Eustatius desde medio aña pasá. E kuenta promedio no ta subi dor di e sistema nobo, pero si tin algun kambio: tin algun kliente ku lo tin un adelanto, otronan lo bai atras. Esaki ta bin dor di e tarifa figo nobo. E klientenan ku un kontrakt pre pago, Pagabon, no ta bai paga un tarifa figo. Si nan lo bai paga un tarifa di uso mas haltu ku e konsumidó ku tambe ta paga un tarifa di uso figo. Pagabon ta mas ekonómiko na momento ku bo tin un uso abou.

Supsidio
E gastunan haltu na WEB ta un kontratempu. Komo reakshon, e ministerio a proporshoná un supsidio pa yuda e klientenan di WEB, ounke den 2016 i 2017 ainda no tabatin mester di supsidio. Danki na e supsidio aki e kuenta promedio lo baha desde promé di aprel kompará ku e promé kuartal di 2018.

E Outoridat Konsumidó i Merkado a bai di akuerdo ku e tarifanan komo máksimo segun lei. Esaki ta nifiká ku WEB tòg por opta pa no bai pa ganashi máksimo, pero tambe tene kuenta ku e mester keda pagabel pa su klientenan. WEB ta stipulá e tarifanan di elektrisidat final ku lo kobra e klientenan.

Redukshon di e gastunan di produkshon
Den desèmber 2017 e ministerio a brinda WEB un supsidio di 620,000 USD pa ekspertisio i maneho di proyekto pa e ekspanshon di e kapasidat di produkshon. WEB kier remplasá e generatornan di emergensia kostoso ku generatornan mas ekonómiko. E ministerio ta spera ku esaki i otro medidanan, WEB lo por hasi ménos gastu.