Awe (promé di mart) Rijksdienst Caribisch Nederland ta lansa su wèpsait nobo ofisialmente. Bo por bai riba e plataforma online aki pa tur informashon relevante tokante di e servisio- i departamentonan di RCN. Tambe bo ta haña tur e último notisianan, vakaturanan i mas informashon tokante di traha na RCN.
Bishitantenan online por enkontrá nan kaminda riba e wèpsait fásilmente dor di e ocho blòkinan temátiko. E blòkinan aki ta guia e bishitante na temanan manera kuido, imigrashon, enseñansa i siguridat. Por yega na informashon tambe via di e funshonalidat pa buska òf via un di e mashinnan di búskeda mas importante.
A aktualisá e teksto- i formularionan i e informashon ta disponibel na tres idioma. Aparte di esei e wèpsait ta aksesibel via di kòmpiuter, mobil i tablet i ta kompletamente moderno, hinka den un bachi Karibense. E wèpsait nobo a keda realisá den kolaborashon ku Platform Rijksoverheid Online (PRO). Na e plataforma sentral aki ta traha i manehá wèpsaitnan dentro di Gobièrnu di Reino.
E wèpsait ta aksesibel via:
https://rijksdienstcn.com (Hulandes)
https://english.rijksdienstcn.com (Ingles)
https://papiamentu.rijksdienstcn.com (Papiamentu)