CBS ta start ku enkuesta Omnibus na Sint Eustatius i Saba

Durante luna di yanüari i febrüari próksimo Ofisina Sentral di Statistik (CBS) lo ehekutá e enkuesta Omnibus na Sint Eustatius i Saba. Durante e investigashon aki un entrevistadó di CBS lo pasa pa hasi tur persona ku a kai den e selekshon, algun pregunta tokante di e enkuesta. E enkuesta aki a wòrdu realisá na Boneiru na luna di òktober i novèmber di 2017.

E enkuesta Omnibus ta un estudio bou di personanan. E meta di e estudio aki ta pa haña mihó konosementu di e kondishon di bida di e poblashon di Sint Eustatius, Saba i Boneiru. Den e kuadro aki ta trata temanan manera salubridat, bibienda, seguridat i tempu liber. Na Sint Eustatius lo bishitá 620 persona i Saba 484. Na Boneiru 1680 persona a wòrdu bishitá.

Pa haña mihó konosementu di e kondishon di bida di e poblashon di Sint Eustatius, Saba i Boneiru, CBS ta pidi kooperashon di tur persona ku a kai den e sondeo.
Pa lei, CBS tin e obligashon di trata tur dato rekolektá na un manera estriktamente konfidensial. Esaki ta un obligashon di CBS ku ta stipulá den lei. Pa e motibu aki, CBS ta tuma diferente medida pa protehá bo datonan. E mes un lei ta konta pa e entrevistadónan tambe. Tur entrevistadó tin e deber di legitimá su mes na momento ku e presentá na e persona. Ya asina tur hende por ta sigur ku ta trata di un respresentante di CBS.
Bo aporte ta sumamente importante pa e investigashon akí. CBS ta gradisí tur personanan den e sondeo pa nan koperashon.

Pa mas informashon i pregunta por tuma kontakto ku nos ofisina na Boneiru na number di telefon +599 717 8676 òf via caribischnederland@cbs.nl.

 

Leave a Reply

Your email address will not be published. Required fields are marked *

scroll to top