CN- Express, e buelo dirèkt entre Boneiru, Sint Eustatius i Saba, ta eksperensiá retraso. E konekshon aéreo entre e tres islanan di Hulanda Karibense originalmente lo a kuminsá operá na komienso di e luna aki.
E Ministerio di Asuntunan Interior i Relashonnan den Reino (BZK) i di Infrastruktura i Maneho di Awa (IenW) huntu ku RCN kier a establesé un un konekshon aéreo direkto entre Boneiru i Sint Eustatius i entre Sint Eustatius ku Saba. Winair lo a operá e buelonan. Anke ku inisialmente tabatin un akuerdo di prinsipio entre e partidonan, Winair dado momentu a drai e akuerdo aki bèk, loke ta hasi imposibel pa realisá e konekshon aéreo. E Ministerionan awor ta sondea otro posibel solushon.