E Outoridat Konsumidó i Merkado (ACM, Autoriteit Consument en Markt) entrante promé di yanüari 2018 ta stipulá e tarifanan máksimo nobo pa koriente i pa awa di bebe na Sint Eustatius. Ta trata di e tarifa di uso fiho i e tarifa di uso variabel ku STUCO entrante promé di yanüari 2018 maksimalmente por kobra e konsumidó pa kubri e gastunan di e produkshon i suministro di koriente i awa di bebe. Tambe ACM ta stipulá e tarifa di konekshon i rekonekshon di nobo pa 2018.
ACM a base di e Lei koriente i awa di bebe BES tin e tarea pa stipulá tarifa ku ta kubri gastu. Esaki ke men ku ACM a kalkulá loke ta kosta STUCO pa produsí koriente i awa di bebe i suministrá na e konsumidó.
Teniendo kuenta ku e pagabilidat di koriente i awa di bebe pa espesialmente kas di famia chikí, e Ministerionan di Asuntunan Ekonómiko i Klima i Infrastruktura & Maneho di Awa a pone supsidio disponibel pa baha e tarifa di uso fiho di koriente i awa di bebe.
Kambionan di tarifa
Na Sint Eustatius e tarifa di uso variabel pa koriente ta baha di 0,30 USD/kWh pa 0,28 USD/kWh, pa motibu ku a kuminsá usa fase dos di e parke solar. E tarifa di uso fiho pa koriente ta subi ku 9% pa motibu di e oumento di gastunan di STUCO pa e distribushon di koriente. Ministerio di Asuntunan Ekonómiko i Klima a pone supsidio disponibel pa mantené e tarifa di uso fiho pa e dos kapasidatnan di konekshon di mas chikí na e mesun nivel ku na 2017.
Pa awa di bebe e tarifa di uso variabel na Sint Eustatius ta subi di USD 7,70 pa USD 8,34 pa meter kúbiko di awa di bebe. Ku supsidio di e Ministerio di Infrastruktura i Maneho di Awa e tarifa di uso fiho entrante promé di yanüari 2018 ta keda USD 6,85 pa luna. E gastunan tras di e ret pa kada konekshon a subi. Esaki ta pasobra STUCO tabatin gastu (a invertí) den produkshon di awa di bebe i pasobra e gastunan di mantenshon di e ret di awa di bebe a subi.
Lei koriente i awa di bebe BES
Riba promé di yüli 2016 e Lei di koriente i awa di bebe BES a drenta na vigor. Tin kuater tipo di tarifa: e tarifa di konekshon, e tarifa de rekonekshon (despues ku a deskonektá), e tarifa di uso fiho i e tarifa di uso variabel. ACM riba promé di yüli 2017 pa promé bia a stipulá e tarifanan máksimo aki pa Sint Eustatius.
Anekso: bista general di tarifa Sint Eustatius