E promé karga di material di konstrukshon pa rekonstrukshon na Sint Eustatius a yega despues di e pasada di orkan Maria i Irma. E siguiente karga ta na kaminda i lo yega Sint Eustatius e wikènt binidero. A ehekutá e promé transporte na un manera sigur bou di guia di Kuerpo Polisial Hulanda Karibense.
Gobièrnu Sentral ta funda materialnan di konstrukshon (mas tantu palu, heru i ‘zink’) i e gastu di transporte. Ta hasi e rekonstrukshon den diferente etapa na e momentonan aki ta fokùs riba e rekonstrukshon di kasnan ku a haña mas daño. Señor Raboen de Sanchez-Pacheco kompañá pa señor Van Heijningen, señora Bennette, señor Hook, señora Francis i señor De Jong ta manehá e proyekto di rekonstrukshon bou di supervishon di Gezaghèber Interino señor Woodley. Banda di e trabounan ku e kontratistanan ta ehekutá, ta spera ku via e proyekto aki por realisá reparashonnan chikitu dor di inisiativa sosial.
Riba djaweps 2 di novèmber e Tim di Rekonstrukshon ta organisá un enkuentro ku un grupo selektá di doñonan di kas, ku a sufri daño material na nan kas. Nan lo haña informashon riba e proseso di rekonstrukshon di nan kas den e di dos fase di e proyekto. Gezaghèber Interino a papia ku e habitantenan via radio lokal. Den su deklarashon e la hasi petishon pa doñonan di kas traha huntu ku e Tim di Rekonstrukshon i tambe e kontratistanan. “Mi sa ku hopi doño di kas ke regresá nan kas bèk pa temporada di Pasku. Mi a pidi e kontratistanan pa fokùs riba rekonstrukshon sólido ku ta kuadra ku e kódigo BES di konstrukshon. Esaki ta e meta final”, Woodley a splika.