Asuntunan Sosial i di Labor ta ekspandé provishonnan

E unidat di Asuntunan Sosial i di Labor (SZW), den su afan pa rekonosé e nesesidatnan pa abitantenan di Saba, Sint Eustatius i Boneiru, ta trahando duru pa ekspandé su provishonnan mas tantu posibel denter di e límitenan di e lei. P’esei ta tuma medidanan spesial. Un di e medidanan spesial ku e unidat di Asuntunan Sosial i di Labor a implementá for di despues di e pasada di e orkannan Irma i Maria, ta e prosesamentu rápido di petishonnan pa artíkulonan duradero, inkluyendo kama, frishidèr, stof, fèn i wasmashin.
Ku plaser e unidat di Asuntunan Sosial i di Labor ta informá públiko ku e pago di e promé artíkulonan duradero, lo tuma lugá e siman aki di 16 pa 20 di òktober. E distribidó di SZW lo entregá e artíkulonan i si ta nesesario (manera usual) un persona ku SZW kontratá lo tuma e artíkulo ku wòrdu remplasá tambe.
Dor di e demanda haltu pa e ònderstant spesial, SZW no por laga su distribidónan lokal kumpli ku kada petishon. P’esei entrega di e artíkulonan lo ta basá riba e urgensia i e fecha di e petishon. Ta kumpra tur sobrá artíkulo na Kòrsou i lo transportá nan ku e barku di marina ‘Karel Doorman’ via Sint Maarten. “Nos ta aspirá pa transportá e artíkulonan riba 22 di òktober, ku yegada un siman despues riba 28 di òktober na Sint Maarten. Asina e artíkulonan yega Sint Maarten, militarnan lo baha nan for di e barku i manda nan Saba i Sint Eustatius.” Segun Margreth de Groot, hefe di e unidat di SZW.