Representante di Reino ta lansa iLanders

IMG_7045.jpg

Durante di Dia di Prensa na Boneiru, representante di Reino Gilbert Isabella a introdusí iLanders. iLanders ta un inisiativa di Rijksdienst Carbisch Nederland pa motivá hóbennan i profeshonalnan ku un base Karibense pa biba i traha na Boneiru, Sint Eustatius i Saba. E Representantedi Reino gustosamente ke empeñá pa kombatí e asina yama ‘brain drain’ riba e islanan. Hóbennan i profeshonalnan ambisioso ku ta konosí ku e idioma i kultura lokal ta importante pa e progreso di Hulanda Karibense. iLanders ta ofresé un plataforma ku ta hinka nan den kontakto ku otro i RCN komo dunadó di trabou. Ta tene e grupo di enfoke na altura di e oportunidat i posibilidatnan na Boneiru, Sint Eustatius i Saba.

Parti di iLanders ta pa ofresé lugánan di stazje den RCN  na studiantenan di e islanan, ku na e momentunan aki ta permanesé pafó di Hulanda Karibense. Studiantenan riba nivel di MBO, HBO i nivel universitario ta bon biní pa via di e stazje aki sera konosí ku e merkado laboral riba e islanan i pa traha riba nan nètwèrk profeshonal. Aparte di un kompensashon pa e stazje, e stazjèrnan di iLanders ta haña un teket ida i buèlta pa e islanan.

 

Interesadonan por tuma kontakto via info@rijksdienstcn.com, por wak riba www.ilanderscn.com òf por sigui iLanders via Linkedin òf Facebook.

 

iLanders, un oportunidat úniko pa hendenan úniko.

Leave a Reply

Your email address will not be published. Required fields are marked *

scroll to top