Komishon di Sabio Sint Eustatius, konsistiendo di Fredis Refunjol i Jan Franssen, ta bishitá Sint Eustatius pa di dos biaha di 4 te ku 7 di sèptèmber. Atrobe e komishon a invitá Kolegio Ehekutivo i Konseho Insular pa un enkuentro. E promé biaha e koalishon a nenga di papia ku e komishon, esaki e komishon ta haña sumamente lamentabel. Oposishon i otro polítikonan si a duna oido na e yamada di e komishon.
E biaha aki e komishon ke, manera primintí, kompartí e resultadonan te ku aworakí i ke tende opinion di Kolegio Ehekutivo i Konseho Insular tokante e futuro di e isla. Banda di esaki e komishon ke risibí i papia ku tur hende den tur sinseridat i konfiansa ku tin e nesesidat. Si akaso un persona ke hasi uso di e oportunidat aki, por tuma kontakto ku e Komishon di Sabio via e-mail na co**************@gm***.com.