Konsumidónan na Sint Eustatius a paga den e di dos kuartal di 2017 alrededor di 2,6 porshento mas pa merkansia i servisio ku un aña anterior. Esei ta e subida di mas fuerte di e tres islanan den Hulanda Karibense. Na Boneiru e preisnan di konsumidó tabata 0,4 porshento mas haltu i na Saba 1 porshento mas abou ku un aña anterior. Asina CBS ta partisipá.
Partikularmente berdura fresku i pan a bira mas karu na Sint Eustatius. Den e promé kuartal e subida di preis riba base anual riba e isla ainda tabata 1,1 porshento.
Na Boneiru preisnan a subi, na Saba nan a baha
Preisnan di konsumidó na Boneiru den e di dos kuartal tabata 0,4 porshento mas haltu ku un aña anterior. Den e promé kuartal preisnan riba base anual a subi ainda ku 0,1 porshento. Desaroyo den preis di elektrisidat a hunga un papel importante den e subida: e efekto ku tabatin un fuerte bahada di preis den e di dos kuartal di aña, awor a neutralisá.
Na Saba kasnan di famia meskos ku den e promé kuartal a paga 1 porshento ménos pa merkansia i servisio ku un aña anterior. Prinsipalmente alimento i partikularmente bèrdura fresku tabata mas barata ku aña pasá. E konsumidó na Saba a paga ménos tambe pa servisio di telefòn i internèt.
Sifranan tentativo
E sifranan pa e di dos kuartal di 2017 ta tentativo i ta ser stipulá definitivo na momentu di publikashon tokante e di tres kuartal di 2017.
Fuente: StatLine: Hulanda Karibense http://statline.cbs.nl/Statweb/publication/?DM=SLNL&PA=81122NED&D1=0-2&D2=0&D3=a&D4=a&VW=T
Lenknan relatá: