Gezaghèber suplente Woodley ta bai den apelashon kontra veredikto 

Den un karta dirigí na e Korte Komun di Aruba, Kòrsou, Sint Maarten i Boneiru, Sint Eustatius i Saba datá djárason 5 di yüli,  e abogado di Julian Woodley den su kualidat di gezaghèber  suplente di Sint Eustatius a informá ku nan kliente lo bai kontra e veredikto ku hues a duna den Promé Instansia. E apelashon ta kontra e veredikto di e Korte di Promé Instansia di Boneiru, Sint Eustatius i Saba den e kompilashon di e kaso KG 2017/15 entre e apelante komo defensor i Charles Woodley i Derrick Simmons komo demandantenan.