Inspekshon di labor ta duna informashon na sitio di konstrukshon di Kolegio Luis Beltran na Rincon

Riba petishon di Rijksvastgoedbedrijf,Inspekshon di labor a duna informashon na trahadónan den konstrukshon di e kompania di konstrukshon APA Constructions. E trahadónan den konstrukshon ta trahando riba renobashon i konstrukshon nobo di Kolegio San Luis Beltran. E informashon tabata relashoná ku trahamentu seif i salú den konstrukshon. Inspektor Darrell Frans a mustra ku ayudo di un presentashon di PowerPoint riba kiko mester pone atenshon. Naturalmente tabatin atenshon pa bistimentu di hèlm i sapatunan di siguridat. Pero mes importante ta ku mester tuma e medidanan di siguridat korekto i papia ku otro tambe ora ta trata trahamentu seif i salú. Loke a hala atenshon di e inspektor ta ku tur hende na e trabou di konstrukshon ya tabata tin hèlm i sapatu di siguridat bistí. Esei ta bal un kòmplimènt.

 

Mirando e reakshonnan di entusiasmo di e trahadónan den konstrukshon, Inspekshon di labor a pone na disposishon e presentashon digital ku a usa den kuater idioma. Por baha e presentashon for di e wèpsait di RCN. Inspekshon di labor ta alkansabel direktamente via www.ArbeidsinspectieCN.com. Ku e presentashon kompanianan mes por duna e trahadónan den konstrukshon informashon tokante trahamentu seif i salú.

 

Ademas Inspekshon di labor ta informá ku tur e 500 bukinan di informashon ku a prent na 2015 a kaba. E bon notisia ta ku Inspekshon di labor a duna enkargo atrobe pa laga prent 500 ehemplar atrobe den kuater idioma. Por haña e bukinan di informashon tokante trahamentu seif i salú den konstrukshon grátis via ar**************@Ri***********.com.