EVOLUTION OR INNOVATION?
WILLEMSTAD/PHILIPSBURG – Dia 2 di desèmber 2021, Centrale Bank van Curaçao en Sint Maarten (CBCS) lo organisá e konferensia Building Value with Emerging Technologies (Generá Balor ku Teknologia Emergente) Simpson Bay Resort, Sint Maarten. Durante e evento akí, diferente oradó renombrá, manera Sr. Olivier Rikken (sosio i fundadó di Emerging
Horizons), Sr. Rik Willard (fundadó i Direktor Gerente di Agentic) i Sr. Errol Cova (Hefe di e departamento di Expert Supervision i Presidente di e Plataforma pa Inovashon di CBCS) lo duna splikashon riba e tema di blockchain i otro tipo di teknologia emergente. Siña kon uso di e
teknologianan akí den sektor di servisio finansiero i den hóreka, kombiná ku fleksibilidat regulatorio, por kontribuí na un ekonomia mas vibrante.
Programa
Sra. Raquel Lo Fo Wong, Direktora di e ofisina di CBCS na Sint Maarten, lo habri e konferensia, siguí pa un diskurso di Minister di Finansa di Sint Maarten, Sr. Ardwell Irion.
E promé oradó di e seminario, Sr. Olivier Rikken, lo ofresé e presentenan un bista amplio riba e tópiko di teknologia emergente, manera blockchain i otro tipo di teknologia outónomo desentralisá.
Despues, Sr. Rik Willard lo papia riba uso práktiko di e teknologianan akí den sektor di servisio finansiero i den hóreka. Por último, Sr. Errol Cova lo elaborá riba e tópiko for di punto di bista regulatorio i splika e posibilidatnan ku lei ta ofresé pa apliká e tipo di teknologia akí den
hurisdikshon di Sint Maarten. Despues di e presentashonnan, lo tin un diskushon di panel moderá pa Sr. Rolando Tobias.
E konferensia lo tuma lugá en persona i lo ta habrí pa públiko. En bista di e medidanan di distansiamentu sosial di Covid-19 vigente na desèmber di 2021, kupo ta limitá. P’esei, pa garantisá bo partisipashon, ta rekomendabel pa kumpra bo entrada(nan) mas pronto posibel online (https://caribbeanticketshop.com/events/building-value-with-emerging-technologies-02-12-2021)