Willemstad/Philipsburg – Centrale Bank van Curaçao en Sint Maarten (CBCS) ta lansa un enkuesta otro siman bou di diferente persona interesá (stakeholder). E kompania RE-Quest ta enkargá pa ehekutá e enkuesta. Meta di e enkuesta bou di stakeholder ta pa optimalisá efektividat di CBCS.
E enkuesta lo keda repartí bou di vários grupo di stakeholder lokal (Kòrsou i Sint Maarten) i tambe internashonal, manera instansia bou di supervishon, kolega supervisor, grupo di interes, instansia
gubernamental, universidat i media. RE-Quest lo reportá na CBCS riba nivel di grupo pa asina no por rekonosé ken òf kua organisashon a duna sierto informashon, i asina salvaguardá anonimidat di e stakeholdernan.
CBCS lo publiká informashon tokante e enkuesta asina ku esaki a finalisá i e resultadonan a keda
analisá.
