Dia 26 di mei último Bondsraad di e Union di Konsumidó Boneiru a nombra señor Eric Booi komo presidente di e direktiva di Unkobon.
Dia 1 di novèmber 2015 señor Booi a bira miembro di direktiva di Unkobon y tabata okupá e posishon di sekretario. Durante añanan ku a transkurí señor Booi a familiarisá su mes kompleto ku e trabounan na interes di e konsumidónan y a bira e kara di Unkobon na radio y televishon.
Bondsraad di Unkobon, unánimamente a bai di akuerdo ku e proposishon di Konseho di Supervishon di Unkobon pa nombra señor Booi komo presidente di direktiva. Unkobon ta kontentu ku Eric Booi tabata dispuesto pa aseptá e enkargo aki y ta deseá Eric tur klase di èksito.
