Entrega di Kolegio Rayo di Solo renobá na Boneiru

Riba djaweps 13 di yüli a hasi di Kolegio Rayo di Solo den e bario di Antriol Pariba. Den e simannan benidero lo muebla e skol renobá di manera ku na komienso di e aña eskolar nobo por hasi uso di e edifisionan.

Kontratista Constructora Tecnica Silvousa a kumins¡ na li 2016 ku e trabounan di konstrukshon. A finalis¡ e proyekto di konstrukshon segun planifikashon. E edifisio di skol na Hanchi Amboina a keda un aña for di servisio pa ehekushon di e proyekto di konstrukshon akí. E alumnonan di Kolegio Rayo di Solo durante e aña eskolar 2016-2017 a hasi uso di e anterior alohamentu di skol básiko Papa Cornes na Kaya Barakuda. Konforme planifikashon lo hasi e apertura ofishal di e skol riba 16 di mei 2018.

A fèrf e edifisionan renobá di e skol den e kolónan di arko íris. Den e lokalnan di lès ku tin e fasilidat di èrko ta midi i mantené e kantidat di oksígeno konstantemente na e nivel korekto di manera ku alumno- i dosentenan por presta optimal. E renovashon tabata enserá entre otro saniamentu di e plachinan di dak ku tabata kontené asbèst, adaptashon di e konstrukshon di aporte na reglanan di konstrukshon vigente i ponementu di plachi di dak i kozein térmiko isolá.

Realisashon di e proyekto di konstrukshon ta parti di e plan di alohamentu di enseñansa pa Boneiru, finansiá konhuntamente pa entidat públiko Boneiru i Ministerio di OCW (Enseñansa, Kultura i Siensia). Fundashon Enseñansa Públiko Boneiru, Rijksvastgoedbedrijf, Streefkerk Architects + Consultants i e dunadónan di enkargo ta hopi kontentu ku e resultado.