Informashon den medionan tokante ACU

En bista di e kantidat di informashon inkorekto ku ta sirkulando relashoná ku Algemene Spaar- en Kredietcoöperatie (ACU), Centrale Bank van Curaçao en Sint Maarten (CBCS) ta konsiderá ku ta importante pa anunsiá lo siguiente.
Dia 7 di mart 2021, ACU su Reunion General di Sosio (ALV) a opta pa un modelo di maneho mas moderno. E desishonnan ku ALV lo tuma djadumingu 10 di yüli próksimo ta pa implementá e modelo akí. Unabes e implementashon ei a tuma lugá, e modelo di maneho di ACU, komo kooperativa, lo kumpli atrobe ku e eksigensianan di lei. E eksigensianan ei t’ei ku e meta di protegé e sosionan, kendenan a konfia ACU ku nan fondonan. Ademas, e modelo di maneho nobo ta kuadra ku pensamentu kooperativista.