De Nederlandsche Bank ta tene ehersisio tokante kon Garantia di depósito ta funshoná pa Hulanda Karibense

Riba 17 di desèmber De Nederlandsche Bank ta organisá un ehersisio
chikitu na Boneiru pa den forma di un simulashon, tèst kon Garantia di
depósito ta funshoná pa Hulanda Karibense.
De Nederlandsche Bank (DNB) ta responsabel pa ehekushon di e Garantia di
depósito, ku ta pèrkurá ku klientenan di bankonan afiliá na Hulanda Karibense tin garantia ku nan plaka ta seif te 10.000 USD pa persona pa banko, si akaso algu sosodé ku un banko.
Anualmente ta repasá e sistema riba papel i den diferente konsulta, pero
awor pa di promé bes ta organisá un ehersisio na e sitio. Supuesto klientenan di un banko ta pasa ku nan papelnan serka kolaboradónan di De
Nederlansche Bank pa registrá nan mes pa risibí pago bèk di e saldo positivo ku nan tin serka e “supuesto banko ku a kai”. Pa medio di e ehersisio akí DNB kier pèrkurá pa e proseso akí kana sin problema, si akaso un bia un banko “kai” di bèrdat”.
Kondishonnan pa garantia di depósito
Segun e Garantia di depósito, habitantenan di Boneiru, Sint Eustatius i Saba
ta protehá te 10.000 USD pa persona pa banko si en general ta kumpli ku e
tres kondishonnan:

1. E plaka ta riba un kuenta na un banko ku un pèrmit di DNB na Boneiru,
   Sint Eustatius òf Saba;
2. E habitante (òf empresa) ta registrá na e banko komo doño di kuenta;
3. E habitante tin un sédula (òf ta un empresa) i ta residente ofisial di
   entidat públiko Boneiru, Sint Eustatius òf Saba.
   Mas informashon pa habitantenan
   Habitantenan di Boneiru ku kier mas informashon tokante Garantia di
   depósito pa Hulanda Karibense, por akudí na un kantor òf e wèpsait di nan banko pa esaki. Riba e wèpsait di DNB pa Hulanda Karibense
   ( www.cn.dnb.nl ) tin tambe un página di informashon tokante garantia di depósito. Aki por haña tambe e foyeto den tres idioma i un ‘factsheet’ ku ta splika kon e protekshon ta traha eksaktamente.