Djaluna 18 di yanüari e ofisina di Belastingdienst na Sint Eustatius ta muda bai bèk H.M. Queen Beatrixstreet. A finalisá renobashon di e edifisio aktual.
Entrante djaluna, 18 di yanüari klientenan por akudí na e ofisina situá na H.M. Queen Beatrixstreet, di djaluna te ku djabièrnè, entre 8 or di mainta i 1 or di mèrdia, solamente ku sita.
Por traha un sita telefónikamente via number di telefòn 318 3325 òf 318 3326.
Por drenta un máksimo di 2 persona pa biaha i bistimentu di un tapaboka ta obligatorio.
Pa por sirbi kliente mas rápido i mihó, Belastingdienst ta keda alkansabel via: balie@belastingdienst-cn.nl
Por akudí via e adrès di meil aki ku preguntanan ku normalmente lo a pasa na bali di Belastingdienst, manera:
- Pregunta tokante tur tipo di ‘aangifte’ i komportashon di ‘aangifte’;
- Petishonnan manera: DIGID, number di crib, deklarashon di entrada, deklarashon di Asistensia Hurídiko, areglo di pago i posponementu di pago;
- Kambionan manera: kambio di number di kuenta i/òf adrès
- Tur pregunta di Duana
E adrès di meil helpdesk@belastingdienst-cn.nl tambe ta keda disponibel pa pregunta tokante di ICT pa tur tres isla. Por deponé dokumentunan, durante i despues di orario di apertura, den e buzon pa karta banda di e entrada prinsipal di e ofisina na Sint Eustatius.